APRENDE A TRAVÉS DO SURFING 2024

 

Un ano máis, o noso centro participará no proxecto"Aprende a través do Surfing".

O mércores e xoves desta semana, dous monitores da escola de surf "Boaola", desenvolverán  unhas sesións de iniciación ao surfing aos alumnos/as de todos os cursos de Educación Primaria.

Estas sesións terán continuidade cunhas xornadas de convivencia no mes de maio na praia de Razo onde os nenos/as terán a oportunidade de desfrutar dun bautismo de surf, coñecer a cultura oceánica  e experimentar todos os valores do surfing.

FINAIS DA IV LIGA ESCOLAR DE BALONCESTO 3X3

O luns e o venres terán lugar no recreo as finais da IV Liga escolar de baloncesto 3x3, organizadas polo Basket Xiria, coa intención de facer uns recreos máis saudables e entretidos.

Nela participou o alumnado de 3º ,4º ,5º e 6º de E.Primaria.

Queremos aproveitar, para darlle as grazas ao Basket Xiria pola súa colaboración no desenvolvemento deste torneo.

Moitas grazas!

BRILLANTE PAPEL DA CRISTINA NO CAMPIONATO PROVINCIAL DE CAMPO A TRAVÉS ESCOLAR

Os/as dezaseis atletas que representaron ao noso centro no Campionato Provincial de campo a través escolar celebrado esta mañá no circuito Virxe do Loreto de Porto do Son ,tiveron unha sobresaínte actuación.

A nivel individual e por equipos os resultados foron  os seguintes:

JULIA

CAMPIONA PROVINCIAL ALEVÍN FEMININO

EQUIPO ALEVÍN FEMININO

(Luna, Ana,Victoria, Paula,Julia e Claudia)

SUBCAMPIÓN PROVINCIAL

EQUIPO BENXAMÍN MASCULINO

(Alex,Thiago,Hugo,Adrián,Gael e Mateo)

MEDALLA DE BRONCE

Tamén destacar a participación a nivel individual de Sara, Marta,Enzo e Lucía, que realizaron un gran papel.

MARTA E SARA 

BENXAMÍN FEMININO

                                      ENZO 

                                            ALEVÍN MASCULINO

LUCÍA 

INFANTIL FEMININO

RESULTADOS CAMPIONATO PROVINCIAL CAMPO A TRAVÉS ESCOLAR

Noraboa e moitas grazas a todos/as polo voso esforzo e comportamento!

Con este campionato ponse punto final  á tempada de campo a través por este curso, que en liñas xerais, pódese considerar de sobresaínte, xa que, o noso centro estivo presente por undécima vez consecutiva no Campionato Provincial.

Quero darlle as grazas a todos/as os nenos/as que participaron esta tempada nas dúas Fases, polo seu esforzo e comportamento, e animarvos, a seguir esforzándovos para intentar mellorar día.

Agradecer tamén ás familias, a súa inestimable colaboración durante toda a mañá.

Moitas grazas!

CAMPIONATO PROVINCIAL DE CAMPO A TRAVÉS ESCOLAR

Marta, Sara, Adrián, Hugo, Gael, Thiago,Álex,Mateo,Enzo, Julia,Luna,Claudia,Ana, Paula,Victoria e Lucía alumnos/as de 2º,3º,5º e 6º de E.Primaria, representarán ao noso centro no Campionato Provincial de campo a través escolar, que se celebrará este próximo venres, no circuito Virxe do Loreto de Porto do Son.

Todos/as chegan moi ilusionados á proba, aínda que conscientes da dificultade que entraña, xa que, neste campionato, tomarán parte os mellores atletas da provincia que se clasificaron nas fases intercomarcais da Coruña, Ferrol, Santiago e Noia.

Moita sorte a todos/as!!!

 

CERVEXERÍA " LA BOMBONERA" SPONSORIZARÁ AOS NOSOS/AS ATLETAS NO CAMPIONATO PROVINCIAL DE CAMPO A TRAVÉS ESCOLAR

 A Cervexería " La Bombonera", sponsorizará un ano máis aos atletas  que participarán   no Campionato Provincial  de campo a través escolar.

Os nosos atletas lucirán unhas camisetas doadas por este establecemento de hostalería.

Desde aquí, queremos agradecer a súa implicación no fomento do deporte de base.

Moitas grazas!

SUSPENSIÓN DO CAMPIONATO PROVINCIAL DE CAMPO A TRAVÉS ESCOLAR

Tendo en conta as previsións meteorolóxicas para o vindeiro venres  en Porto do Son, os organizadores do Campionato Provincial de campo a través escolar decidiron suspender a proba.

Buscarase unha nova data á volta das vacacións de Semana Santa, da cal vos informarei coa antelación suficiente.

Desculpade as molestias.

RECREOS ACTIVOS. ADESTRAMENTOS PARA PREPARAR O CAMPIONATO PROVINCIAL DE CAMPO A TRAVÉS ESCOLAR.

Ola a tod@s!

De cara a preparar o Campionato Provincial  de campo a través que se celebrará o próximo 15 de Marzo en Porto do Son, comezamos o próximo martes 6 de Febreiro os adestramentos.

Aqueles nenos/as que queiran  adestrar voluntariamente, poden achegarse nos recreos ao ximnasio, sempre que as condicións metereolóxicas o permitan.

Adestraremos  todos  os martes.

Anímate!